#1  
قديم 10-13-2019, 08:37 PM
الصورة الرمزية naim
naim غير متواجد حالياً
مدير عام
 
تاريخ التسجيل: Apr 2019
المشاركات: 332
افتراضي درر الكلام - 25


نقلا عن طالب فى الجامعة الأمريكية فى القاهرة :-
" كان فيه راجل👨 يبيع جرايد جنب الجامعة فى التحرير .. كنت باشترى منه اللوموند عشان اتعلم فرنساوي لكن علمني حاجة اهم من الفرنسية ..هذا الرجل علمنى درس مهم جدا للعمر ..
لما كنت اسأله ازيك النهاردة يقولي *" في نعمة الستر "!*
فاندهشت من الإجابة وسألته ليه الستر تحديدا ؟
قال لي لأني مستور من كله .. قلت له : ستر إيه يا حج ده انت البلوڤر بتاعك فيه رقعتين مختلفتين اللون ف لما احس بغبائي فبادر بالشرح .
قال الستر ده انواع :
‏- لما تكون مريض بس قادر تمشي علي رجلك ده ستر من مذلة المرض !!
‏- لما جيبك يكون فيه 5 جنيه تكفيك تنام متعشي حتي لو عيش حاف ده ستر من مذلة الجوع !!
- لما تكون تملك ملابس تحميك من البرد حتى لو مرقعه ده ستر من مذلة البرد !!
‏- لما تكون قادر تضحك وانت حزين لأي سبب ده ستر من مذلة الكسرة !!
‏- لما تكون قادر تقرأ الجريده اللي في ايدك ده ستر من مذلة الجهل !!
‏- لما تقدر تتصل فى اى وقت بأهلك تطمنهم عليك وتطمن عليهم ده ستر من مذلة الوحدة !!
- ‏ لما تكون عندك أي وظيفة حتي لو بياع جرايد زى حالاتى بس مش بتمد ايدك لحد ده ستر من مذلة السؤال !!
‏- لما يكون ابنك ربنا مبارك في صحته وتعليمه وبيته ده ستر من مذلة القهر !!
‏- لما يكون عندك زوجه بنت حلال وشايله الهم معاك ده ستر من مذلة كسرة الراجل قدام مراته !!
*الستر يا ابنى مش ستر فلوس الستر ستر نفوس !*!👍🏼
تذكر أنك تملك نعم يتمناها ملايين‏ البشر إنها نعمة الستر.
‏جعلنا الله وإياكم من المستورين بستره الجميل
💕💕 من نعم الله علينا و التي لا ندركها مثلا .. نعمة البصر و السمع و الشم و التذوق و المشي و إنك في الاخر سليم من الأمراض و مش محتاج دكتور .. قول الحمد لله 🌺
__________________






رد مع اقتباس
إضافة رد

الكلمات الدلالية (Tags)
الكلام

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:01 AM


madani® Copyright ©2000 - 2019, naim-almadani

حق العلم والمعرفة للجميع * والتاريخ هو تاريخ أمة * لذلك متنازلون عن جميع الحقوق بنقل او اقتباس شريطة الاشارة الى المنتدى * جميع المشاركات المكتوبة تعبّرعن وجهة نظر كاتبها ولا تعبّر عن وجهة نظر إدارة المنتدى

a.d - i.s.s.w